माननीय नामदार मंत्री महोदय श्री. योगेश ज्योती रामदास कदम यांचा जन्म 18 फेब्रुवारी 1986 रोजी बोरवली मुंबई येथे झाला. त्यांनी बी.कॉम.पर्यंत शिक्षण घेतले. त्यांच्याकडे सध्या महायुती सरकारमध्ये गृह (शहरे ), महसूल, ग्रामविकास व पंचायत राज, अन्न, नागरी पुरवठा व ग्राहक संरक्षण, अन्न व औषध प्रशासन खात्याचे राज्यमंत्री पदाचा पदभार आहे. ते महाराष्ट्र विधान सभा निवडणूक 2024मध्ये रत्नागिरी जिल्ह्यातील दापोली मतदार संघातून शिवसेना पक्षाकडून निवडून आले. ते माननीय उपमुख्यमंत्री एकनाथ शिंदे यांचे समर्थक असून हे सासावली शिक्षण संस्था, खेडचे अध्यक्ष होते. त्यांनी या संस्थेमार्फत न्यू इंग्लिश स्कूल, बोरज, तुंबाड व कोरेगाव येथे इंग्रजी माध्यमाच्या शाळा सुरू केल्या. त्यांनी सिद्धयोग लॉ कॉलेज, ओपन स्कूल सुरू केले. कदम हे युवा सेनाचे राज्य कार्यकारणी सदस्य होते. 2019 आणि 2024 मध्ये महाराष्ट्र विधानसभेवर त्यांची फेर निवड झाली.